Lundapizzan rennur ljúflega niður

Lundapizza að hætti Edinborgar-Bistro.

„Við vorum að fá lunda frá Salvari í Vigur og erum að bjóða upp á bæði reyktan og léttsteiktan lunda. Okkur datt svo í hug að bjóða gestum upp á lundapizzu og verður hún á matseðilinn í dag, fimmtudag. Á pizzunni verður reyktur lundi, laukur, camembert og svo bláberjasulta til hliðar. Við buðum nokkrum að smakka í gær og það voru allir mjög hrifnir af henni þannig að ég á ekki von á öðru en hún slái í gegn,“ segir Guðmundur Helgason, vert í Edinborgarhúsinu á Ísafirði.

Að sögn eins smakkaranna var pizzan afar ljúffeng og mátti finna lundabragðið mjög vel. Var hann því mjög sæll og saddur eftir matinn, að því er greinir frá á bb.is.

Mynd: bb.is
/Smári