La Luna við Rauðarárstíg lokar og selur La Luna pizzur í keiluhöllinni í Egilshöll og í Öskjuhlíð

Veitingastaðurinn Fellini í Egilshöllinni

Það er með miklum trega sem við verðum að tilkynna ykkur að vegna mikilla samskiptaörðugleika við umsjónarmenn húsnæðis sem La Luna er staðsett í neyðumst við til að loka fyrirtækinu á Rauðarárstíg þann 01-09 næstkomandi. Við ætlum að loka hér á Rauðarárstíg en opnum vonandi á betri stað síðar í mánuðinum eða þeim næsta.

, segir í tilkynningu á facebook síðu La Luna, og hafa eigendur leitað af rétta húsnæði síðastliðna mánuði fyrir pizzustaðinn og nú er svo komið að því, en um helgina opnar La Luna í keiluhöllinni í Egilshöll og Öskjuhlíð.

Það er Þorleifur Jónsson sem er meðal annars eigandi af La Luna, en hann átti Eldsmiðjuna til fjölda ára og seldi hana árið 2007.

Leiðrétting:
Athugið, að verið er að innleiða La luna pizzur á veitingastaði Keiluhallarinnar og er fyrst í boði á Fellini Egilshöll og á næstu vikum munu La Luna pizzurnar verða í boði á veitingastaðnum Rúbín í Öskjuhlíð.

Mynd: af facebook síðu Fellini.

/Smári