Ívar hefur hafið störf í söludeild Garra

Ívar Unnsteinsson matreiðslumeistari hefur hafið störf í söludeild Garra ehf.  Ívar er af góðu kunnur fyrir störf sín í veitingageiranum, það var árið 2001 sem hann byrjaði að læra fræðin sín á Apótekinu sem var og hét og útskrifaðist sem matreiðslumaður árið 2005. Sama ár starfaði hann á virtum veitingastöðum í Finnlandi og Bandaríkjunum.

Í framhaldi af því starfaði hann á Sjávarkjallaranum og svo á Fiskmarkaðnum þar sem hann gengdi stöðu vaktstjóra og svo yfirmatreiðslumanns.  Ívar hefur frá byrjun ferils síns heillast af japanskri matargerð og hefur hann ferðast víða til að afla sér þekkingar í þeirri matreiðslu og má m.a. nefna að hann starfaði á einum þekktasta veitingastað í London árið 2007, nobu. Ívar lauk meistaranámi í matreiðslu árið 2011.

Undanfarin 3 ár hefur Ívar starfað í Adesso í Smáralind.

Mynd: Matthías

/Smári