Fyrsta sinn á matseðli á Íslandi; Egg Norwegien á Snaps bistro bar

Mig hafði langað að fara á Snaps bistro í nokkurn tíma og svo gafst tækifærið og reyndin var sú að ég kom þar tvisvar með mjög stuttu millibili, því þegar á hólminn var komið voru það margir réttir sem mig langaði að smakka á og var þar fremst í flokki Egg Norwegien, sem ég minnist ekki að hafa lesið á matseðli fyrr á íslandi.

Frönsk lauksúpa

Egg Norwegien

Ég fékk mér Franska lauksúpu með brauði og ísbúaosti og var það alveg svakalega gott, svo kom eggjarétturinn og hann hitti alveg í hjartarstað með bragðmiklum reyktum laxi, en eftir á að hyggja tel ég að það sé viturlega að vera með mildari reyktan lax í þessum rétti, þar sem bragðið af honum stal alveg senunni.

Sveppir a la créme

Lemon tart

Nokkrum dögum seinna kom ég aftur og í þetta skipti varð fyrir valinu sveppir a la créme sem að við fyrstu sýn virtist ekki vera það sem ég hafði haft í huga, en borðaði það nú samt og þvílíkt sælgæti sem það var og maður fór strax að brosa, í ábætir fékk ég mér Lemon tart og var engu síðri en sveppirnir nánast fullkominn.

Þeir á Snaps eru góðir í þessum klassísiku frönsku réttum og er bragðið alveg á tæru hjá þeim, þjónustan var mjög góð utan þess að þau voru svolítið draslaraleg til fara, einnig finnst mér salurinn hafa drabbast niður og minnist þess ekki að hafa séð hann svona útlítandi fyrr.

/Sverrir