Eftirminnilegasta máltíðin: Heimsóknir mínar til Gunna Kalla á Dill

Ágúst Már Garðarsson

Á næstu vikum ætlar Veitingageirinn.is að birta upplifun fagmanna á eftirminnilegustu máltíðunum þeirra.

Fyrstur í röðinni er Ágúst Már Garðarsson, en Ágúst er 37 ára gamall og starfar sem yfirmatreiðslumaður hjá Icelandair.  Ágúst lærði fræðin sín á Hótel KEA á árunum 1995 til 1999 og hefur starfað á Lækjarbrekku, Restaurant Amalie Molde, Brasserie Sommelier, SaTT, Silfur, HaPP svo eitthvað sé nefnt.

Hver er þín eftirminnilegasta máltíð?

Síðasta heimsókn á veitingastað er ávallt efst í huga, nú var það Coq au Vin í Orlando í síðustu viku sem er í eigu Raymond Pitz margverðlaunaðan Chef í USA.

Virkilega næs, gamaldags franskur ressi með klassík, og svakalegt Souffle í eftirrétt sem þurfti að panta fyrir matinn.  Skemmtileg upplifun. Þar fékk ég líka brjálað Foie Gras terrine og Brioche.

Annars hafa heimsóknir mínar til Gunna Kalla á Dill Restaurant verið mest eftirminnilegustu hér heima og þá sérstaklega grísasíða og humar sem ég fékk á Food and Fun 2010.  Maturinn á Vox er líka alltaf frábær þegar ég fer þangað.

Mynd: aðsend

Twitter og Instagram: #veitingageirinn