UNO Cucina italiana „…við vorum virkilega ánægðir með þjónustuna og matinn“

Við áttum pantað borð klukkan 18:00 á laugardegi á veitingastaðnum UNO sem er nútímalegur Ítalskur veitingastaður á Hafnarstræti 1-3. Við komum inn á staðinn 5 mínútur í og þar var tekið á móti okkur með brosi og okkur vísað til borðs, tónlistin var lág þegar við komum inn en hækkaði þegar leið á kvöldið þegar fleira af fólki kom inn á staðinn.

Við ákváðum að leyfa kokkunum að ráða ferðinni og pöntuðum okkur drykki þar sem annar okkar var að keyra þá drakk hann bara pepsi en svo pöntuðum við drykk sem þau mældu með og það var:

Mulo Romano
Mulo Romano er klassískur Ítalskur Myntudrykkur í honum er Vodki, Engifer Bjór og Mynta

Þessi drykkur var ferskur og góður hann var líka mildur og passlega mikið myntubragð, þetta var góður drykkur til að byrja kvöldið á

Brauð

Brauðið kom á borðið rétt eftir að við fengum drykkina okkar. Það var með Sólþurrkuðum Tómötum, Ólivum og Parmesan, meðlætið með brauðinu var Klettasalats “Aioli”.

Virkilega gott brauð, bragðmikið og ekta Ítalskt

Góða hvítlauks og klettasalats bragðið í Aioli-inu passaði rosalega vel með brauðinu og þegar maður var búinn að borða brauðið þá angaði maður ekki af hvítlauk sem er að okkar mati góður kostur, Það eru ekki margir sem vilja fara út að borða og anga allt kvöldið af hvítlauk

Fyrstu tveir réttirnir

Það leið ekki langur tími þangað til við fengum fyrstu réttina en það komu alltaf tveir réttir saman. Fyrstu réttirnir sem við fengum voru:

Ljótu Arancini Bollurnar voru alls ekki ljótar. Arancini Bollurnar eru djúpsteiktar Risottokúlur með ljótum osti og til hliðar var chilisulta.

Þessi réttur var mjög góður bollurnar voru vel stökkar, risottoið mjög gott og passaði vel með chilisultunni.

Bruschetturnar

Við fengum þrjár tegundir af Bruschettum:

1. Kjúklingaparfait með Rauðlauks og Fíkju “compote”
2. Grænt Pestó og Parmaskinka
3. Tómat,Basil og mozzarella

Þrjár klassískar sem klikka seint, virkilega gott heimagert pestó. Brauðið var í þykkum sneiðum, vel ristað og ennþá mjúkt í miðjunni. Rauðlauks og Fíkjucompote-ið var rosalega sætt en kom ágætlega út með parfait-inu. Við vorum mjög sáttir við fyrstu tvo réttina.

Þriðji og fjórði réttur:

NautaCarpaccio með valhnetum, pikkluðum sveppum, klettasalati og parmesan

Nautið var vel kryddað, flott áferð á valhnetumaukinu og bragðmikið. Okkur fannst samt að valhneturnar hafi yfirgnæft Nautið og þegar maður var að borða þennann rétt, þá fann maður aðallega valhnetu bragð. Öll atriðin á disknum voru samt virkilega góð á bragðið.

Bríó Kræklingur. Kræklingur sem var hannaður í samstarfi við Ölstofu Kormáks og Skjaldar eldaður í Bríó bjór, chorizo, chili og hvítlauk.

Þessi réttur er æðislegur, án efa besti kræklingur sem ég hef smakkað

Sangria UNO

Áður en við fengum aðalréttina þá pöntuðum við annan kokteil:

Fallegur og rosalega góður drykkur, súr og ferskur

Fimmti og sjötti réttur:

Villisveppa risotto með hægelduðu andalæri

Andalærið var vel eldað safaríkt og fínt. Risottoið var aðeins of eldað en bragðið virkilega gott.

Humar og Risarækju Linguini

Mjög góður réttur pastað vel eldað og vel kryddað

Sjöundi til níundi réttur:

Pannacotta með perukrapi og karmellusósu

Get lítið annað sagt en að þetta var uppáhaldsdessertinn okkar

Súkkulaðikaka með heslihnetum, hvítsúkkulaðimús og hindberjaís

Rosalega góður réttur, ísinn rosalega ferkur en mætti vera aðeins meira hindberjabragð af honum

Tiramisu að hætti UNO

Maður fann bragðið af hverjum hlut fyrir sig og kaffi bragðið yfirgnæfði ekki eins og það gerir oft, við vorum rosalega sáttir við þennann

Eftir þessa eftirrétti vorum við alveg vel saddir og ánægðir.

Takk fyrir okkur.

Á heildina litið var þetta virkilega gott kvöld, við vorum virkilega ánægðir með þjónustuna, matinn og við fórum alls ekki svangir heim. Það er mjög flott líka að það er mest allt gert á staðnum, allar sósur, allt pasta og svo framvegis.

Við erum vissir um að við ætlum aftur á UNO.

Myndir og texti; Björn og Bragi