Umsókn um þátttöku á Íslandsmót matreiðslu- og framreiðslunema

Íslandsmótið fer fram þriðjudaginn 1. nóvember nk. og hefst kl. 14:00.

Tveir stigahæstu einstaklingarnir úr Íslandsmótinu í hvorri grein munu taka þátt í Norrænu nemakeppninni sem verður haldin í Osló í apríl 2023.  Keppnisréttur er bundinn við aldur.  Keppendur mega ekki vera eldri en 23 ára þann 1. maí 2023 og skilyrt er að nemar séu á námssamningi í maí 2023.

Keppnin í matreiðslu skiptist í:

• þekking á hráefni og skriflegt próf úr þeim hluta
• verklegum hluta þar sem þátttakendur matreiða forrétt og eftirrétt

Keppnin í framreiðslu skiptist í: 

• skriflegt próf
• blöndun tveggja drykkja
• kvöldverðaruppdekkning ásamt blómum –  fjórir réttir fyrir tvo gesti
• eldsteiking
• fjögur sérvettubrot

Ekki er ætlast til að að keppendur hafi aðgang að hjálpargögnum við úrlausn verkefnisins.

Fylltu út formið á vefnum Idan.is til að sækja um þátttöku. Umsóknarfrestur er til 21. október 2022.

Mynd: úr safni