Það þarf að tryggja rétt og menntun starfsfólks í veitingageiranum | 50% fleiri þjónar – samt skortur

Þingvellir eru vinsæll ferðamannastaður

Forsvarsmenn stéttarfélaga eru að drukkna í málum sem varða launarétt og félagsleg undirboð ferðaþjónustufyrirtækja. Aukið eftirlit hefur skilað árangri en gera þarf mun betur að sögn framkvæmdastjóra Starfsgreinasambandsins. Á þriðja tug þúsunda starfa nú við ferðaþjónustu í landinu en fæstir hafa próf í greininni. Kemur niður á greininni og kallar á endurskoðun á úreltu námskerfi, segir framkvæmdastjóri Samtaka ferðaþjónustunnar.

Aðsókn í þjónanám hefur þó aukist um fimmtíu prósent frá árinu 2011 og 22,5 prósent í kokkanám. Þrátt fyrir þá aukningu þyrfti að útskrifa sextíu þjóna árlega til að anna eftirspurn, í stað rúmlega tuttugu eins og nú er. Útskrifa þyrfti nær áttatíu kokka á ári en nú eru þeir rúmlega fimmtíu.

Fjallað var um málið í Kastljósi í gærkvöldi.  Nánari umfjöllun er hægt að lesa á vef Ríkisútvarpsins með því að smella hér.

Mynd: úr safni