Keppni
Svona lítur Eftirréttur ársins 2015 út | „..keppnin hefur vaxið ár frá ári og er gæðastaðallinn mjög hár“
Eins og fram hefur komið þá fór fram keppnin Eftirréttur ársins í gær fimmtudaginn 29. október og stóð frá kl. 9:00 – 15.30 á sýningunni Stóreldhús 2015. Að þessu sinni kepptu 40 einstaklingar úr matvælageiranum en um 60 manns settu inn þátttökubeiðni. Úrslit voru kynnt kl. 17:00 í gær.
Sigurvegari keppninnar var Axel Þorsteinsson yfirkonditor á Apótel Restaurant og hlaut að launum námskeið hjá Chocolate Academy Cacao Barry á erlendri grundu. Í öðru sæti lenti Denis Grbic matreiðslumaður á Grillinu Hótel Sögu og í þriðja sæti Iðunn Sigurðardóttir matreiðslunemi á Fiskfélaginu. Keppni var hörð og lítill munur á keppendum í efstu sætunum.
![Eftirréttur ársins 2015](https://veitingageirinn.is/wp-content/uploads/2015/10/eftirrettur-arsins-2015-21-1024x684.jpg)
Sigurvegarar og dómarar frá vinstri: Ylfa Helgadóttir, Sturla Birgisson, Denis Grbic, Axel Þorsteinsson, Iðunn Sigurðardóttir, Karl Viggó Vigfússon
Dómarar að þessu sinni voru þau Karl Viggó Vigfússon Omnom sem jafnframt var yfirdómari, Sturla Birgisson Borg Restaurant og Ylfa Helgadóttir Kopar.
Að sögn Karls Viggós hefur keppnin vaxið ár frá ári og er gæðastaðallinn mjög hár. Keppendur leggja mikinn metnað í eftirréttina og var mjótt á munum milli efstu manna. Gaman er að sjá unga og efnilega fagmenn gefa allt í keppnina og greinilegt að áhugi á eftirréttagerð fer vaxandi.
Til gamans má geta að heildverslunin Garri hefur stofnað Instagram síðu þar sem hægt er að fylgjast með daglegum rekstri og ýmsum uppákomum hjá starfsmönnum fyrirtækisins.
Nokkrar myndir af Instagram síðu Garra:
Myndir: Garri heildverslun
![](https://veitingageirinn.is/wp-content/uploads/2018/02/veitingageirinn.png)
-
Frétt5 dagar síðan
Veisluþjónusta án starfsleyfis: Matarsýkingar rekjanlegar til rangrar meðhöndlunar hjá veisluþjónustu
-
Vín, drykkir og keppni4 dagar síðan
Pílumeistarinn 2025 krýndur á stórskemmtilegu móti veitingafólks – Myndaveisla
-
Keppni3 dagar síðan
Munið skilafrestinn 14. febrúar – Graham’s Blend Series Kokteil keppni 2025
-
Viðtöl, örfréttir & frumraun3 dagar síðan
Eldhús framtíðarinnar: Snjallbúnaður sem sparar tíma, vinnu og orku – Myndbönd
-
Viðtöl, örfréttir & frumraun2 dagar síðan
Frönsk matargerð í hávegum höfð: Michelin-meistari færir Midland Grand Dining Room á næsta stig
-
Viðtöl, örfréttir & frumraun5 dagar síðan
Nýjustu Michelin-stjörnurnar í Bretlandi og Írlandi – Roux-fjölskyldan fagnar stórsigri
-
Keppni23 klukkustundir síðan
Global Chefs Challenge fer fram á Ítalíu
-
Markaðurinn2 dagar síðan
Vatnsdeigsbolla með Nutella-kremi og kransabita