Súpurnar að verða klárar

Hver og einn er með sína uppskrift af fiskisúpu.

Í kvöld föstudaginn 10. ágúst milli 20.15 og 22.15 geta gestir á Fiskideginum Mikla á Dalvík rölt í rólegheitum um bæinn og ef þeir sjá tvo logandi kyndla í garði eða við hús þá er um að gera að droppa inn og fá að smakka fiskisúpu og njóta þess að spjalla í rólegheitum við gestgjafana og gesti.

Hver og einn er með sína uppskrift af fiskisúpu. Fjölbreyttur matseðill verður á boðstólnum yfir hátíðina sushi, grillaður fiskur, fersk bleikja í rauðrófum og hunangi, ferskur þorskur í kryddjurtum og sítrus, Hríseyjarhvannargrafin bleikja, nýbakað flatbrauð með reyktum laxi, Indverskt rækjusalat og margt fleira.

Særsta pizza landsins verður í boði og er hún 120 tommu pizza og úr hverri pizzu koma 640 sneiðar.

Dagskrá og nánari upplýsingar hér.

Mynd: facebook / Fiskidagurinn mikli