Stóra stundin runnin upp – Úrslitakeppni Kokkur ársins 2025 fer fram í dag – Myndaveisla frá forkeppni Kokkur ársins og Grænmetiskokkur ársins

Dómarar í keppninni Grænmetiskokkur ársins 2025 sem fram fór í gær, föstudaginn 28. mars. Þeir lögðu mat á réttina af mikilli fagmennsku og nákvæmni.

Í dag fer fram úrslitakeppnin um titilinn Kokkur ársins 2025 og að þessu sinni fer keppnin fram í verslun IKEA. Keppnin hefst kl. 09:00, en verslun IKEA opnar kl. 11:00 og þá er öllum heimilt að koma og fylgjast með.  Einnig verður keppninni streymt í beinni á mbl.is.

Fyrir keppnina hefur IKEA sett upp fimm fullbúin keppniseldhús, sem staðsett eru þar sem gengið er út úr versluninni inn á sjálfsafgreiðslulagerinn. Það er einstakt að fylgjast með starfsfólki IKEA setja upp og taka niður þessi eldhús – þau nálgast verkefnið af mikilli fagmennsku og reynslu, segir í fréttatilkynningu frá Klúbbi matreiðslumeistara.

Forkeppni Kokkur ársins fór fram síðastliðinn fimmtudag og keppa í dag eftirfarandi keppendur:

Wiktor Pálsson – Lola

Ísak Aron Jóhannsson – Múlakaffi

Gunnar Georg Gray – Brut

Gabríel Kristinn Bjarnason – Expert

Hugi Rafn Stefánsson – Fröken Reykjavík

Skylduhráefni dagsins

Í keppninni í dag þurfa keppendur að nota ákveðin hráefni í hvern rétt. Öll hráefnin þurfa að koma fram og njóta sín á loka disknum sem dómnefnd fær til mats. Keppninni lýkur um kl. 16:30 og verðlaunaafhending fer fram í Bjórgarðinum, Fosshótel Reykjavík, kl. 19:00 í kvöld.

Hráefnalisti úrslitakeppni Kokkur ársins 2025:

Forréttur:

Kalkúnalæri

Íslenskur pak choi

Gulrætur

Smjördeig

Aðalréttur:

Skötuselur

Svartrót

Toppkál

Mórelusveppir

Skál/diskur til hliðar

Skötusels kinnar

Feykir ostur

Eftirréttur:

Frosin hafþyrnisber

Cacao Barry Zephyr 35% hvítt súkkulaði með saltkaramellu

Pistasíuhnetumauk (fæst m.a. í Costco)

Fáfnisgras

Keppnin Grænmetiskokkur ársins 2025 fór fram í gær

Föstudaginn 28. mars fór fram keppnin um titilinn Grænmetiskokkur ársins 2025. Fjögur keppendur tóku þátt og elduðu þriggja rétta matseðil fyrir tólf manns. Keppendur höfðu fimm klukkutíma til undirbúnings og voru ræstir með fimm mínútna millibili.

Keppendur í Grænmetiskokkur ársins 2025:

Monica Daniela Panait – Hótel Geysir

Dominika Kulińska – Mötuneyti sveitarfélagsins Stykkishólms

Andrés Björgvinsson – Lux veitingar

Kamil Ostrowski – Brak

Skylduhráefni keppninnar:

Forréttur:

Tómatur

Fennel

Blaðsellerí

Aðalréttur:

Arborio hrísgrjón

Hvítur spergill

Grasker

Eftirréttur:

Basilíka

Jarðaber

Rjómaostur

Úrslit kynnt í kvöld

Úrslit beggja keppna, Kokkur ársins 2025 og Grænmetiskokkur ársins 2025, verða kynnt í kvöld eftir kl. 18:00 í Bjórgarðinum, Fosshótel Reykjavík.

Myndaveisla

Með fylgja myndir sem Mummi Lú tók frá forkeppni Kokkur ársins og keppninni Grænmetiskokkur ársins 2025, sem fóru fram síðastliðna tvo daga.