Söfnuðu 7.5 milljónum til nauðstaddra í Myanmar

Árni þór Arnórsson

Árni þór Arnórsson fór á dögunum til Myanmar að taka þátt í Myanmar Tour For Humanity 2018. Það eru 10 ár síðan að voðafenginn fellibylur fór yfir borgina Myanmar og allt að 140.000 manns létu lífið og um 2.4 milljón manna urðu fyrir alvarlegum áhrifum fellibylsins.

Sjá einnig: Árni Þór til Myanmar

Árni situr í nefndinni World Chefs Without Borders á vegum heimssamtaka matreiðslumanna fyrir hönd Klúbbs matreiðslumeistara á Íslandi. Það voru um 60 matreiðslumenn frá 24 löndum sem tóku þátt í Myanmar verkefninu.

Verkefnið gekk út á það að gefa um 12.000 máltíðir á tveimur dögum. Einnig var gefið um 8500 pakka með nauðsynjum til nauðstaddra.

Sjá einnig: Hátíðarkvöldverður afgreiddur á pappadiskum

Einnig voru gefnar 150 töskur til munaðarlausra barna en hver taska innihélt skóladót, tannbursta sem Árni fékk hjá Ó. Johnson & Kaaber/Sælkeradreifingu ásamt tannkremi og ýmsu öðru.

Hver og einn þátttakandi greiddi sitt flug ásamt því að greiða þáttökugjald sem var 1000 evrur. Með söfnun og þátttökugjöldum söfnuðust um 7.5 milljón íslenskra króna. Peningarnir voru notaðir til að kaupa matvæli til nauðstaddra.

Árni sagði að ferðin hafi verið stórkostleg í alla staði og gefandi að fá að aðstoða fólk í við þessar aðstæður. Gert er ráð fyrir að svona ferð verði endurtekin á næsta ári og bíður Árni eftir tilkynningu um stað og tíma. Árni hvetur alla sem áhuga hafa að taka þátt í verkefni sem þessu.

Vídeó

Í meðfylgjandi myndbandi er hægt að horfa á Myanmar Tour For Humanity 2018. Myndbandið byrjar með kynningu á landinu, þar næst eru allir matreiðslumeistararnir kynntir (1:40) og að lokum ferðin sjálf (3:40) og má sjá Árna bregða fyrir í myndbandinu.

Heimasíða: www.worldchefswithoutborders.org

Facebook: /worldcwb

Myndir:  úr einkasafni / Árni Þór