Skráning hafin á Íslandsmót nema og ungsveina í matvæla -og veitingagreinum

Skráningar eru hafnar á Íslandsmót nema og ungsveina í matvæla -og veitingagreinum 2025.

Mótið fer fram helgina 7-9. febrúar á næsta ári.  Skráningarfrestur er til og með 17. janúar.

Mótið í ár verður stórglæsilegt og til mikils að vinna en undanfarin ár hafa sigurvegarar keppna á mótinu hér heima verið landi og þjóð til sóma í keppnum erlendis.

Sigurvegarar hljóta fallegan bikar og keppnisrétt fyrir Íslands hönd í keppnum erlendis. Að auki hljóta allir keppendur þátttökuverðlaun og í verðlaunaafhendingunni sunnudaginn 9. febrúar verða dregin út vegleg útdráttarverðlaun sem allir keppendur eiga möguleika á að hljóta óháð árangri.

Við hvetjum ungt fólk af öllum kynjum til þátttöku á Íslandsmótinu. Hvert og eitt ykkar skiptir máli sem fyrirmynd í faginu.

Nánari upplýsingar um verkefni keppenda og skráning fer fram á vef Iðunnar, idan.is hér.

Nánari upplýsingar um keppnina veitir:
Steinn Óskar Sigurðsson
Leiðtoga matvæla- og veitingagreina hjá Iðan fræðslusetur
[email protected]