Sjóðheitt útgáfuboð fyrir Helvítis matreiðslubókina – Myndaveisla

Hjónin og höfundarnir Þórey Hafliðadóttir og Ívar Örn Hansen (eða Helvítis kokkurinn og frú Helvítis)

Fullt var út úr dyrum á Kaffi Flóru þegar fram fór útgáfuhóf Helvítis matreiðslubókarinnar á dögunum.

„Við erum í skýjunum með viðtökurnar,“

segir Ívar Örn Hansen, betur þekktur sem Helvítis kokkurinn, en bókina vann hann í samstarfi við eiginkonu sína, Þóreyju Hafliðadóttur.

Sjá einnig: Helvítis Matreiðslubókin er klárlega jólabókin í ár

Þættir Ívars hafa slegið í gegn á Stöð 2 og hafði hann varla undan að árita bækur.

Á meðan gestir biðu eftir áritun gátu þeir gætt sér á ljúffengum veitingum.

„Bókin er full af girnilegum uppskriftum og við buðum auðvitað upp á sýnishorn í boðinu,“

segir Ívar brosandi, en um er að ræða fyrstu bók þeirra hjóna.

Kaffi Flóra í Grasagarðinum hefur vaxið í vinsældum sem tónleika- og viðburðarstaður og skapaðist ákveðinn töfraljómi yfir hópnum sem fagnaði útkomu Helvítis matreiðslubókarinnar.