Rjúpusoð

Hráefni
bein af þremur rjúpum
1 stk laukur
1/2 stk blaðlaukur
2 stk gulrót
5 stk einiber
3 stk lárviðarlauf
ferskt timían
1 dl madeira
vatn sem flýtur yfir bein

Aðferð
1. Beinin af rjúpunni eru barin í sundur og elduð eldföstu formi í ofni í 20 mínútur á 180° C.

2. Á meðan beinin brúnast þá eru gulrætur skrældar og skornar í litla bita og steiktar á vægum hita í olíu þangað til þær eru gullinbrúnar.

3. Laukar skrældir og skornir og settir út í olíuna þegar gulræturnar eru að verða tilbúnar.

4. Í lok steikingarinnar á grænmetinu er krydd sett út í og madeira og því leyft að sjóða niður um helming.

5. Þegar steikingin á grænmetinu er lokið þá eiga beinin að vera tilbúin og tekur þú þau með töng og yfir í pottinn með grænmetinu. Athugið að taka allt nema fitu úr eldfasta forminu.

6. Sjóðið svo í 1 1/2 klst á vægum hita. Og því næst er soðið sigtað.

Höfundur er Ágúst Valves Jóhannesson matreiðslumaður

Fyrir 4 – 6 manns