Rabarbaratímabilið er komið: Prófaðu þennan ferska sumar­kokteil

Það er fátt meira sumar í glasi en ferskur íslenskur rabarbari – og nú þegar tímabilið er í hámarki, er tilvalið að nýta þessa töfrandi súrsætu plöntu í skapandi drykki.

Hér er glæsilegur og svalandi kokteill sem nýtir íslenska 64°Rabarbara líkjörinn sem aðalhráefni og slær í gegn á hvaða sumarboði sem er.

Hráefni:

25 ml 64° Rabarbara líkjör

25 ml Tripple sec

30 ml ferskur sítrónusafi

45 ml goji safi

Sódavatn til að fylla upp í

Aðferð:

Setjið líkjör, triple sec, sítrónusafa og goji safa í hristara með klaka.

Hristið vel í 10–15 sekúndur þar til drykkurinn er vel kaldur.

Hellið í hátt glas með ferskum klökum.

Fyllið upp með sódavatni og hrærið létt.

Skreytið með rabarbarasneið eða sneið af sítrónu – tilvalið líka að nota æt blóm eða örlítið af piparmyntu fyrir sumarfíling.