Oddný Ingólfsdóttir sigraði vínþjónakeppni

Oddný Ingólfsdóttir

Nýlokið er vínþjónakeppni á vegum Vínþjóna­samtaka Íslands þar sem valinn var annar keppandi til þátttöku í keppninni Besti vínþjónn Norðurlanda, sem fram fer í Svíþjóð í haust. Manuel Schembri tók sér sæti í þeirri keppni þegar hann sigraði titilinn Vínþjónn ársins 2023.

Að þessu sinni var það Oddný Ingólfsdóttir sem stóð uppi sem sigurvegari eftir langan og krefjandi keppnisdag. Keppnin samanstóð meðal annars af skriflegu prófi, skriflegt blindsmakk á léttvíni, staðfestingu á sterku víni, umhellingu, kampavínsþjónustu, pörun matar og vína, leiðréttingu vínseðils og munnlegu blindsmakki á rauðvíni. Að auki þurftu keppendur að greina villur í vínum (spot the wine fault). Öll keppnin fór fram á ensku.

Dómarar keppninnar voru:

Alba E. H. Hough

Peter Hansen

Þorleifur „Tolli“ Sigurbjörnsson

Vínþjónasamtökin óska öllum keppendum innilega til hamingju með glæsilegan árangur og þakka Brass Kitchen and Bar kærlega fyrir frábæra þjónustu og aðstöðuna sem þau veittu.

Ertu skráð(ur) í Vínþjónasamtökin?
Nýir félagar geta gengið í samtökin með því að senda fullt nafn og kennitölu á netfangið [email protected]
Árgjaldið er 4.800 krónur.