Nýr veitingastaður opnar í Sandgerði

Nýr veitingastaður opnar í Sandgerði í dag sem hefur fengið nafnið Sjávarsetrið og er staðsettur við Vitatorg 7 þar sem veitingastaðurinn Vitinn var áður til húsa.

Það eru tvenn hjón úr Sandgerði sem keyptu húsnæði og rekstur veitingahússins Vitans í Sandgerði fyrir þremur mánuðum af hjónunum Stefáni Sigurðssyni og Brynhildi Kristjánsdóttur. Þau höfðu rekið Vitann í nær fjóra áratugi.

Eigendur eru Elfar Logason, Bergljót Bára, Símon Haukur Guðmundsson og Arna Björk Unnsteinsdóttir. Töluverðar breytingar hafa verið gerðar á veitingastaðnum og lítur staðurinn mjög vel út eftir breytingarnar. Virkilega vel heppnað.

Á Sjávarsetrinu verður sérstök opnunarhátíð sem fer fram samhliða hátíð Suðurnesjabæjar nú um helgina.

Matseðillinn og drykkjarseðlarnir hér að neðan eru aðeins hluti af því sem koma skal á Sjávarsetrinu:

Myndir: facebook / Sjávarsetrið