Nýr veitingastaður á Grenivík

Framkvæmdir eru í fullum gangi

Kontorinn er nýr veitingastaður við Túngötu 1-3 á Grenivík þar sem Jónsabúð var áður til húsa.  Verið er að vinna hörðum höndum við gangsetja veitingastaðinn sem opnar formlega 6. júní næstkomandi.

Staðurinn tekur 60 manns í sæti og boðið verður upp á létta rétti, hamborgara, samlokur, steikur og einnig er veislusalur þar sem tekið verður á móti hópum.  Yfirkokkur er Sigurður Gauti Benediktsson.

Myndir frá framkvæmdum: af facebook síðu Kontorsins.

/Smári