Nýir rekstraraðilar Kjöthallarinnar

„Ég byrjaði að vinna hjá þeim fyrst um 2004 og hef ég unnið þarna öll jól og annars slagið á sumrin, en kannski minna síðustu árin.

Svo kom ég til þeirra í febrúar þegar ég var að ferma og frétti að bræðurnir væru að íhuga að leggjast í helgan stein,“

segir Jóhann Ingi Jóhannsson, nýr eigandi Kjöthallarinnar í samtali við Viðskiptablaðið.

Kjöthöllin er með elstu verslunar og kjötvinnslufyrirtækjum landsins, stofnað 1. maí 1944. Fyrstu árin var verslunin og kjötvinnslan rekin á Klömbrum á Klambratúni (Miklatúni).

Þar var einnig rekið sláturhús til nokkurra ára ásamt reykhúsi , en það var starfrækt til ársins 1963. Kjötvinnslan fluttist að Háteigsvegi 2 árið 1953 og var þar til húsa næstu 13 árin. Kjöthöllin réðst í byggingu verslunarhússins að Skipholti 70 árið 1964 og fluttist kjötvinnslan þangað 1966 samhliða því að verslunin var opnuð.

Hér má sjá bræðurna Bjössa og Svenna sem tóku við rekstrinum af föður sínum fyrir 50 árum.

Stofnandi Kjöthallarinnar var Christian H. Christensen og rak hann fyrirtækið fyrstu 30 árin . Synir hans Sveinn og Björn Christensen ásamt þeirra fjölskyldum keyptu síðan reksturinn 1974 og hafa þeir starfrækt fyrirtækið síðan.

Viðskiptablaðið ræddi síðast við eigendur Kjöthallarinnar árið 2023 þegar verið var að loka versluninni á Háaleitisbraut. Reksturinn hefur þó gengið mjög vel síðan þá og er öllum viðskiptavinum nú þjónað á einum stað.

Nánar er fjallað um málið í Viðskiptablaði vikunnar hér.

Myndir: facebook / Kjöthöllin