Ný veitingasala í splunkunýjum innritunarsal í flugstöðinni á Akureyri

Farþegar á leið um Akureyrarflugvöll voru í fyrsta sinn í gær innritaðir í flug í gegnum nýjan innritunarsal í flugstöðinni, bæði innanlands- og millilandafarþegar. Þetta er einn áfanginn í breytingum sem fylgja nýrri viðbyggingu fyrir millilandaflugið.

Búið er að leggja af veitingasöluna við hlið gamla brottfararsalar innanlandsflugsins en salur innanlandsflugsins verður innréttaður í syðsta hluta bygginganna, þar sem innritun farþega var þar til í dag. Áætlað er breytingum á flugstöðinni verði að fullu lokið í lok októbermánaðar.

„Það verður farið í ákveðnar breytingar á Flugkaffi eins og við þekkjum það, svona jafnframt því sem allt húsið fær yfirhalningu en eftir sem áður verður Flugkaffi í hjarta flugstöðvarinnar. Eftir breytingar munum við t.d. bjóða upp á heitan mat í hádeginu og hlökkum við mjög til þess,“

sagði Steingrímur Magnússon í samtali við Vikublaðið, en Steingrímur tók við rekstri Flugkaffi á Akureyri í sumar.

Að auki býður Flugkaffi upp á kaffi, kleinur, upprúllaðar pönnukökur með sykri, samlokur, gos, safa, sælgæti og margt fleira.

Hér má sjá frétt Stöðvar 2 um nýja innritunarsalinn:

Mynd: skjáskot úr myndbandi