Norðurlandamót Vínþjóna 2019 – Sveinn og Davíð keppa fyrir hönd Íslands

Sveinn Garðarsson og Davíð Örn Hugus munu keppa fyrir Íslands hönd á Norðurlandamóti vínþjóna í Stokkhólmi helgina 21. – 22. september n.k.  Þessar keppnir verða alltaf meira krefjandi í takt við þær kröfur sem gerðar eru til vínþjóna í dag.  Sveinn og Davíð hafa báðir verið að stunda nám við Court of Master Sommelier´s og er þessi keppni ansi góður skóli undir það og eftir að nýtast þeim félögum því vel. Tolli mun svo fara með þeim og verður í dómarasæti.

Sveinn Garðarsson

Sveinn Garðarsson, framreiðslumeistari

Fæddur 1991, var fyrir sunnan í háskólanámi en lenti óvart á samning á Vox og kláraði námið þaðan.  Sveinn: „Hróðmar Eydal kveikti eiginlega áhuga minn á víni“.  Því næst lá leiðin á Matur og Drykkur og svo á heimaslóðir í Mývatnssveit þar sem hann er með umsjón á Icelandair Hótel Mývatn.

Davíð Örn Hugus

Davíð Örn Hugus, framreiðslumaður

Fæddur 1994, lærði fræðin á Grillmarkaðnum og Vox, vann svo eftir útskrift á Matarkjallaranum en er nú búsettur í London að vinna í vínbúðinni The whalley wine shop og hjá Dinner by Heston.

Hægt verður að fylgjast live með keppninni inná FB síðu Vínþjónasamtaka Íslands hér.

Veitingageirinn óskar þeim alls hins besta.

Myndir: aðsendar