Markaðurinn

Norðanfiskur leitar að metnaðarfullum sölufulltrúa

Birting:

2 mánuðir síðan

þann

15.01.2026

Eftir

Markaðurinn í Veitingabransanum

Vilt þú vera hluti af frábæru teymi?

Við leitum að jákvæðum einstaklingi með brennandi áhuga og þekkingu á sölu og þjónustu til að starfa í öflugu söluteymi Norðanfisks. Viðkomandi þarf að njóta þess að vera í fjölbreyttum verkefnum, með metnað til að veita framúrskarandi þjónustu og góða skipulagshæfni.

Fyrirtækið sérhæfir sig í framleiðslu, sölu og dreifingu á sjávarfangi en afurðir Norðanfisks eru mest seldar til veitinga- og stóreldhúsa á innanlandsmarkaði. Þá selur fyrirtækið einnig sjávarfang í neytendapakkningum til verslana víða um land.

Hjá okkur færðu að starfa í skemmtilegu og stuðningsríku umhverfi þar sem við leggjum okkur fram um að skapa vinnustað og umhverfi þar sem starfsfólk okkar upplifir traust, stuðning og tækifæri til að skara fram úr – allt á sama tíma og við njótum þess að hafa gaman!

Fríðindi í starfi

Afsláttur af vörum Norðanfisks
Afnot af bíl á vinnutíma
Farsími og internet tenging
Niðurgreiddur hádegismatur

Menntunar- og hæfniskröfur

Þekking og reynsla af sölumennsku
Þekking á sjávarfangi og matreiðslu mikill kostur ásamt þekkingu á veitingamarkaði
Jákvæðni, rík þjónustulund og framúrskarandi samskiptahæfni
Frumkvæði og sjálfstæði í starfi
Áreiðanleiki og stundvísi
Bílpróf og góð tölvufærni
Góð færni í íslensku og ensku er nauðsynleg, bæði í rituðu og töluðu máli.

Helstu verkefni og ábyrgð

Sala og þjónusta á vörum Norðanfisks
Framúrskarandi samskipti, ráðgjöf og þjónusta til viðskiptavina
Greining á markaði og tækifærum
Viðhalda og efla samstarf við viðskiptavini félagsins
Tilboðsgerð, eftirfylgni og öflun nýrra viðskiptavina
Þátttaka í markaðsmálum, vöruþróun og innleiðingu nýrra vara

Viðkomandi starfsmaður mun hafa aðsetur á starfsstöð Norðanfisks í Reykjavík og mun starfa í framlínu félagsins og í nánu samstarfi við framkvæmdastjóra, söludeild og framleiðsludeildir.

Áhugasamir sendi umsókn ásamt ferilskrá og kynningarbréfi á netfangið [email protected]