Viðtöl, örfréttir & frumraun
Myndir úr útgáfupartý bókarinnar: Þetta verður veisla eftir landsliðskokkinn Gabríel Kristinn
Stórskemmtilegt útgáfupartý í tilefni útkomu bókarinnar Þetta verður veisla eftir Gabríel Kristinn Bjarnason, var haldið í Hlégarði í Mosfellsbæ.
Í bókinni má finna frumlegar uppskriftir að smjöri og ídýfum, fingramat og veislupinnum, aðalréttum og eftirréttum.
Klárlega matreiðslubók fyrir þá sem vilja halda matarveislu heima og bjóða vinum og fjölskyldu heim í matarupplifun en vilja ekki hafa alltof mikið fyrir því.
„Ég bauð upp á fingramat úr bókinni,“
Sagði Gabríel í samtali við veitingageirinn.is, aðspurður um matinn í útgáfupartýinu.
Gabríel bauð upp á franskt ristað brauð með sveppum og klettasalati, djúpsteiktar vöfflur með lambatartar og kapers mæjó, pönnusteiktar pizzur með stracciatella og þurrkuðum kirsuberja tómötum og einn eftirrétt, eins og Gabríel vill kalla hann: „old school“ súkkulaðimús með olívu olíu.
Gabríel Kristinn deilir með lesendum veitingageirans einni uppskrift úr bókinni.
Djúpsteiktar vöfflur með lambatartar
165 g brúnað smjör
875 g hveiti
7 tsk. lyftiduft
7 tsk. Maldon-salt
100 g sykur
875 g súrmjólk
350 g mjólk
4 egg
Aðferð:
Byrjið á því að brúna smjörið en það gerið þið með því að setja smjör í pott og leyfa því að malla á háum hita þar til það verður brúnt á litinn.
Setjið næst þurrefnin saman í hrærivél og blandið vel saman.
Bætið saman við mjólk, súrmjólk og eggjum og að lokum brúnaða smjörinu.
Bakið svo vöfflur úr deiginu í vöfflujárni.
Skerið síðan vöfflurnar út í falleg hjörtu.
Djúpsteikið að lokum vöfflurnar í repjuolíu á 180°C hita eða þangað til þær verða stökkar.
Lambatartar
250 g lambafille
1 msk. graslaukur
2 msk. kapers
1 msk. skalottlaukur
1 msk. ólífuolía
200 g Hellmann’s-majónes
Börkur af einni sítrónu
Aðferð:
Það getur reynst vel að hálffrysta kjötið með því að setja það í frysti í um það bil 30 mínútur áður en þið skerið það niður til þess að halda því bæði rauðu og fersku.
Skerið kjötið í litla kubba og setjið í skál.
Saxið skalottlauk og graslauk og bætið út í skálina ásamt salti, pipar og ólífuolíu.
Setjið í aðra skál majónes, saxaðan kapers og börk af einni sítrónu og setjið blönduna síðan í sprautupoka. Leggið svo djúpsteiktu vöfflurnar á flotta diska sem eiga við og setjið góða matskeið af krydduðum tartar á hverja vöfflu.
Loks er kapers- majónesinu dreift yfir með sprautupokanum í sikksakkmunstur.
Er önnur matreiðslubók í bígerð?
Bókin verður til sölu í öllum helstu verslunum landsins.
Er önnur matreiðslubók í bígerð?
„Það er ekki komið neitt plan með næstu bók, vona bara að þessi seljist vel. Núna er ég bara að njóta þess að hún sé loksins komin á markaðinn“
Sagði Gabríel hress að lokum.
Með fylgja myndir frá útgáfupartýinu sem að ljósmyndarinn Fermin Galean tók.
Myndir: Fermin Galeano ljósmyndari
-
Markaðurinn4 dagar síðan
Veitingastaðurinn Stapinn á Arnarstapa er til sölu
-
Viðtöl, örfréttir & frumraun3 dagar síðan
Þessir kokkar elduðu á Kótilettukvöldi Samhjálpar
-
Markaðurinn4 dagar síðan
Hinrik Carl kennir að brýna hnífa með japanskri aðferð í samstarfi við Progastro
-
Frétt8 klukkustundir síðan
Vegna E. coli í matvælum – Meðhöndlun á réttum úr hökkuðu kjöti gildir allt annað
-
Viðtöl, örfréttir & frumraun2 dagar síðan
Matreiðslunemar buðu upp á spennandi street food rétti
-
Markaðurinn4 dagar síðan
ProGastro og UNOX verða á Stóreldhússýningunni
-
Markaðurinn2 dagar síðan
Næstu námskeið í nóvember í matvæla- og veitingagreinum
-
Markaðurinn2 dagar síðan
Maarten Michelin kokkur á Stóreldhúsinu – Salt, sætt, Jordá Specials og streetfood toppings