Metár hjá Bako Ísberg

Bjarni Ákason

Það má með sanni segja að Bako Ísberg hafi endað árið með stæl .

Árið 2023 hefur verið afdrifaríkt hjá Bako Ísberg enda algjört metár í sögu fyrirtækisins og hefur fyrirtækið stækkað til muna.

Bjarni Ákason forstjóri fyrirtækisins segir í árlegum annál að árið hafið verið afar ánægjuleg og farsælt. Fyrirtækið hefur bætt við sig deildum, en í vor sameinaðist sem dæmi Bako Ísberg Bakaratækni, auk þess sem hóteldeild fyrirtækisins stækkaði og fyrirtækið breikkaði vöruúrval sitt töluvert.

Starfsmenn eru orðnir helmingi fleiri en á Covid tímum og Bjarni lítur björtum augum til nýs árs.

Fyrirtækið gerði risastór verkefni á þessu ári og þakkar Bjarni öllum þeim sem komu að stórum og flóknum verkefnum og uppsetningum á árinu sem er að líða bæði hérlendis og erlendis.

Árið 2023 var metár í sölu Rational ofna hjá fyrirtækinu, en Rational þekkja margir enda einn mest seldi gufusteikingarofn í heimi. Það má ekki gleyma Zwiesel glasabransanum en 40.000 seld glös þetta árið frá þessu margverðlaunaða fyrirtæki segja sitt og þar inni eru ekki keyrsluglösin frá Vicrila sem einnig áttu metár. Eldhúsvörur og postulín ruku einnig upp úr öllu valdi, þannig að það má með segja allar deildi fyrirtækisins fagni nú um áramótin.

Bjarni óskar viðskiptavinum fyrirtækisins gleðilegs nýs árs og þakkar viðskiptin á árinu sem er að líða.