Matarmarkaður Búrsins í Hörpunni helgina 17.-18. mars

Hinn árlegi Matarmarkaður Búrsins verður í Hörpunni helgina 18.-19. mars næstkomandi. Fjölmargir af frambærilegustu smáframleiðendum landsins kynna vörur sínar og þær nýjungar sem eru á markaði eins og súkkulaði úr kakóbaunum frá Tansaníu, ljúffengir lambabitar úr Breiðdal, hráfæði úr Eyjafirði og kartöflusnakk. Allir ættu að finna eitthvað við sitt hæfi hvort sem sóst er eftir súru eða sætu, grænmeti eða kjöti, grófu eða fínu.

Í tilkynningu segir að í ár verður íslensku gulrótinni gert hátt undir höfði, Gísli Matthías Auðunsson eigandi veitingastaðarins Slippsins í Vestamannaeyjum mun elda gulrótarsmárétti og gestir fá tækifæri að kynna sér hvílíkt úrvals hráefni hún er.

Laugardaginn 18. mars kl 17:17 mun matgæðingurinn Ólafur Örn Ólafsson þáttastjórnandi “það er kominn matur” í samstarfi við Matarmarkað Búrsins og Ölgerðina stjórna Pub Quiz í Smurstöðinni í Hörpunni og að sjálfsögðu verða spurningar eingöngu um mat og drykk.