Manuel Schembri í 14. sæti um titilinn besta vínþjón veraldar – Horfðu á alla keppnina hér – Vídeó

Manuel Schembri og Alba E H Hough forseti Vínþjónasamtaka Íslands.
Mynd tekin í keppninni í París: Alba E H Hough

Keppnin um titilinn besta vínþjón veraldar var haldin um helgina í París og fyrir Íslands hönd keppti Manuel Schembri Sommelier á Brút Restaurant. Alls voru 68 keppendur hvaðan af úr heiminum sem kepptu og komst Manuel Schembri 17 manna undanúrslit og er það í fyrsta sinn sem Ísland kemst svona langt í þessari virtu keppni.

Sjá einnig: Manuel kominn í undanúrslit í besti vínþjónn í heimi

Það eru alþjóðasamtök vínþjóna (Association de la Sommellerie Internationale – ASI) sem hafa veg og vanda af keppninni.

Raimonds Tomsons frá Lettlandi.
Mynd: facebook / ASI – Association de la Sommellerie Internationale

Það var Raimonds Tomsons frá Lettlandi sem hreppti titilinn besti vínþjónn veraldar.

Manuel Schembri lenti í 14. sæti sem er algjörlega magnaður árangur.  Þess ber að geta að Manuel er Vínþjónn Íslands 2021, sjá nánar hér.

Hægt er að horfa á alla keppni í meðfylgjandi myndbandi hér að neðan:

Viltu verða Vínþjónn / Sommelier?

Til að læra verða sommelier, þá þarftu að fara í gegnum 4 áfanga hjá Court of Master Sommeliers (CMS) til að geta kallað þig „Master Sommelier“.

Lesa nánar um ferlið hér.