Madonna opnar aftur

Já veitingastaðurinn Madonna á Rauðarárstíg hefur aftur opnað dyr sínar fyrir viðskiptavinum, nýir rekstraraðilar hafa tekið við en það eru þeir Aðalsteinn Sigurðsson lærður hótelstjóri frá Bandaríkjunum og Kristinn Hannes Guðmundsson matreiðslumaður.

Er gengið er inn kemur maður inn í  miðjanstaðinn beint á barinn og salarrými á hvora hlið, hann virkar mjög hlýlegur strax og gengið er inn.

Staðurinn gefur sig út fyrir ítalska og alþjóðlega matreiðslu.

Crew 1 var boðið að koma og smakka á nokkrum réttum af matseðlinum:

Matseðillinn var eftirfarandi:

Hvítlauksristaður humar með  salati og gratíneruðu hvítlauksbrauði

Saltfisk brandad á maltbrauði

Pizza Madonna með nautahakki, bacon, lauk og Bearnaise sósu

Steiktur skötuselur með graslaukssósu ( Fiskur dagsins)

Piparsteik með gratineruðum kartöflum og piparsósu

Desertpizza með möndluflögum, bönunum, sýrópi, súkkulaðispæni og þeyttum rjóma

Blautur súkkulaðidraumur með vanilluís, þeyttum rjóma, berjum og súkkulaðisósu

Því miður átti eldhús staðarins afar slæman dag og virtist sem enginn faglegur metnaður væri til staðar og hver mistökin eltu hin fyrri. 

Annað var upp á teninginn í salnum þar lék þjóninn við hvern sinn fingur og hálf dansaði á milli borða það gaman var hjá honum og ekki var leiðinlegt að hlusta á hann útskýra hin ýmsu atriði fyrir erlendu gestum staðarins og langaði manni helst að setjast út í horn með bensín á kantinum og fylgjast með.

Ef þeir ætla að lifa af þessu, þá þarf eldhúsið að hysja upp um sig brækurnar og koma sér á level við salinn, og er það ekki fjarrænn möguleiki.

Við hjá Freisting.is óskum þeim félögum til hamingju með opnunina, með von um að þetta séu bara byrjunarörðuleikar sem verði lagaðir skjótt.

Smellið hér til að skoða fleiri myndir af staðnum.
/ Formlega opnanir / Madonna

/Sverrir

Myndir: Matthías