Listaverkið opnar á næstunni

Friðgeir Ingi Eiríksson

Það er farið að styttast verulega í opnun hjá Friðgeir Inga og félögum á nýja veitingastaðnum, Eiriksson Brasserie sem verður á Laugavegi 77.

Ég átti leið framhjá í vikunni og datt í hug að kíkja inn og heilsaði aðeins upp á en Friðgeir hafði ekki mikinn tíma til að líta upp. Núna var verið að reka endahnútinn á að ganga frá tilskyldum leyfum og öðru sem stóð út af borðinu.

Rolls-Royce eldavélin mætt á svæðið

Mér finnst alltaf gaman þegar það gefst tækifæri til að fylgjast með fæðingu veitingastaðar og sjá hann taka á sig endanlega mynd.

Sjá einnig: Eiriksson Brasserie – Friðgeir: „Hér kemur samt flottasti vínkjallari landsins til með að vera“

Friðgeir hafði í mörgu að snúast þegar fréttamaður kíkti við

Núna er staðurinn er orðinn verulega glæsilegur en ég ætla samt ekki að birta of margar myndir núna, miklu frekar að geyma upplifunina fyrir ykkur sem komið til með að heimsækja þetta listaverk á næstunni.