Líbanskar vínekrur skotmark

Eftir því sem bardagar harðna í Líbanon aukast áhyggjur Líbanskra vínbænda að vínekrur þeirra verði fyrir árásum.

Enn sem komið er hafa vínekrurnar ekki orðið fyrir árásum, en árásir Ísraelsher hafa m.a. beinst að framleiðslufyrirtækjum – mjólkurbú og flöskuframleiðsla hafa m.a. orðið fyrir árásum – á þeim forsendum að þar sé hægt að framleiða hergögn!

Vínbændurnir hafa af þessu miklar áhyggjur þar sem margir búgarðar hafa eigin gerjunar- og átöppunarverksmiðjur, auk þess sem vínkjallarar og -hellar gætu orðið skotmörk undir því yfirskyni að þar gætu vopn verið geymd.

Aðalvínsvæði Líbanons er í Bekaadal, um 50 km austur af Beirút, en talið er að Íranir og Sýrlendingar flytji vopn til Hizbollah í gegnum dalinn, og Ísraelsher hefur lagt áherslu á að stöðva slíka flutninga.

Þá hafa borist fréttir af því að flugskeyti Hizbollah hafa hæft vínekrur í Ísrael og að einhverjir hektarar hafa eyðilagst.

Greint frá á vinsidan.com

[email protected]