Leyniuppskriftin að KFC kryddblöndunni

Leyniuppskrift að kryddblöndunni sem umlykur kjúklinginn af KFC er hægt að finna víðsvegar á internetinu.  Í fjöldamörg ár hefur þessi kryddblanda verið eitt best geymda leyndarmál heims, en fyrir nokkrum árum var uppskriftin sýnt óvart í fréttaflutningi.  Síðan þá var ekki aftur snúið.

Kryddblandan inniheldur blöndu af 11 kryddum og jurtum.

KFC kjúklingur – Uppskrift:

Hráefni

2 bollar hveiti
2 tsk borðsalt
1 1/2 tsk þurrkað timian
1 1/2 tsk þurrkað basil
4 msk paprikuduft
1 tsk þurrkað oregano
1 msk sellerí salt
2 msk hvítlaukssalt
1 msk svartur pipar (fínt, nýmalaður)
1 msk sinnepsduft
3 msk hvítur pipar
1 msk engiferduft
2 heilir kjúklingar (ca. 3 kg.)
Súrmjólk og egg
olía til djúpsteikingar

Aðferð

Blandið öllum kryddjurtum og kryddi saman. Passið að hafa enga mola í blöndunni (krydd sem hefur kekkst saman í geymslu).

Setjið í stóra skál, hveitið, jurtirnar og kryddublönduna og blandið vel saman.  Hrærið saman súrmjólkina og egg.

Skerið kjúklingana í bita.

Dýfið hverjum bita í mjólk-, og eggblönduna (óþol: einnig hægt að nota bara venjulegt vatn), hristið og leggið í hveitið/kryddblönduna. Láttu bitana vera á bakka í um 10-15 mínútur á meðan olían hitnar. Þetta mun hjálpa húðinni að festast betur við kjúklinginn.

Hitið olíuna í 170°c.

Steikið stærstu bitana í allt að 18 mínútur. Vængir taka venjulega um 8-10 mínútur, leggir í um það bil 12-15 mínútur, fer eftir stærð. Gott er að nota kjöthitamæli, en kjarnhitinn á að fara í tæp 80°c.

Hægt er að setja kjúklinginn í ofnskúffu á smjörpappír og haft hann í ofni á 80°c á meðan þú ert að djúpsteikja kjúklinginn.

Í því tilfelli er best að byrja á stærstu bitunum og enda með þeim smæstu til að lágmarka tímann í ofninum.

Mynd: úr safni