Kjúklingur á ítalska vísu – fylltur með grænmeti

Kjúklingur primavera

• Einn kjúklingur sem búið er að klippa hrygginn úr (til að fylla og flýta fyrir eldun)
• 2 msk. ólífuolía
• salt
• Ferskur svartur pipar
• 1 tsk .ítalskt blaðkrydd
• Einn kúrbítur, þunnt skorinn í fallegar sneiðar
• 3 miðlungs tómatar, helmingaðir og skornir í þunnar sneiðar
• 2 gular paprikur, þunnt sneiddar
• 1/2 rauðlaukur, þunnt sneiddur
• 1 kúla ferskur mozzarella-ostur

Aðferð
Hitið ofninn í 200 gráður – eða grillið. Setjið kjúkling á skurðbretti og klippið með góðum skærum bakhliðina úr (hrygginn). Aðferðin oft kölluð að fletja út. Skerið vasa í bringurnar en gætið þess að skera ekki alveg í gegn. Smyrjið með olíu og kryddið með salti, pipar og ítalska kryddinu.

Fyllið hvern vasa til skiptist með kúrbít, tómötum, papriku og rauðlauk.

Gott að rífa mozzarella-ost yfir.

Bakið þar til kjúklingurinn er eldaður í gegn, í um 25 mínútur. Ef nota á grill er gott að hvolfa kjúklingnum á stálbakka eða laust kökuform, þegar búið er að brúna skinnmegin – svo grænmeti detti ekki á milli grinda.

Framreiðið með grilluðu grænmeti og sýrðum rjóma með graslauk.

Höfundur er Bjarni Gunnar Kristinsson matreiðslumaður. Uppskrift þessi var birt í Bændablaðinu og er birt hér með góðfúslegu leyfi þeirra.