KEX Brewing brugga með tveimur heimþekktum brugghúsum

Gunnar Karl Gíslason, Samuel Richardson, Ólafur Ágústsson og Hinrik Carl Ellertsson

Brugghús KEX Hostel, KEX Brewing, hélt í bruggferð vestur um haf í lok síðustu viku til þess að brugga með Other Half Brewing og Collective Arts. Þessi tvö brugghús þykja með þeim merkari Vestanhafs og sannur heiður að starf með þessum heimsklassa brugghúsum.

Sam Richardson og Matt Monahan hjá Other Half Brewing

Matt Johnston eigandi Collective Arts

Other Half Brewing er brugghús í Brooklyn í New York. Other Half er eitt hæst skrifaða brugghús heims undanfarin tvö til þrjú ár og eru þeir þekktir fyrir sinn afgerandi stíl sem einkennast af mikið af humlum. Einu sinni í viku standa Other Half fyrir sölu á bjórum sínum út um hurðina á brugghúsinu sínu og þekkist að fólk standi í allt að 20 klukkustundir í röð til þess að fá nýja bjóra frá þeim.

„Samstarf KEX Brewing og Other Half varð til fyrir tilstuðlan vinskaps sem kviknaði á hinni árlegu bjórhátíð sem haldin er á KEX Hostel ár hvert. Þeir voru á síðustu bjórhátíð ásamt fjölda annarra. Í bjórinn notum við íslensk hrútaber og bandarísk hindber og verður gaman að sjá þetta blandast saman,“

segir Hinrik Carl Ellertsson frá KEX Brewing um bjórinn.

Skoðunarferð í brugghúsi Other Half

Eftir stutt stopp í Brooklyn í New York var haldið til Toronto í Kanada þar sem KEX Brewing brugga með Collective Arts Brewing. Þetta er í annað skiptið sem KEX Brewing brugga þar og í þetta skiptið til þess að brugga imperial stout með íslensku salti og kakónibbum. Hluti af bjórnum verður fáanlegur á bjórhátíðinni á KEX og annar mun þroskast á tunnum þar ytra í ár. Collective Arts er þekkt fyrir virkja samfélagið í kringum sig þar sem myndlist og tónlist blandast á skemmtilegan hátt inn í vörulínu þeirra.

Hægt er að versla miða á bjórhátíðina hér.

Myndir: aðsendar