Íslenska bjórhátíðin á KEX Hostel í fimmta sinn – Snapchat veitingageirans verður á staðnum

KEX Hostel heldur hina árlegu íslensku bjórhátíð í fjórða sinn dagana 24. – 27. febrúar.  Hátíðin er haldin í tilefni af 27 ára afmælisdegi íslenska bjórsins, en þann 1. mars árið 1989 var almenn sala á bjór leyfð eftir 74 ára sölubann. KEX Hostel hefur boðið íslenskum og erlendum bruggurum í heimsókn til að kynna sig og sína framleiðslu dagana sem hátíðin fer fram.

Öll helstu brugghús landsins taka þátt í hátíðarhöldunum og munu bruggarar frá Borg, Ölgerðinni, Einstök, Vífilfelli, Bryggjan Brugghús, Segul 67, Steðja, Ölvisholti og Kalda kynna starfsemi sína á KEX Hostel.  Erlendu bruggarnir koma frá örbrugghúsum í Danmörku (To Øl, Mikkeller og Alefarm) og Bandaríkjunum (The Commons Brewery, Pfriem Family Brewers og Surly Brewing Company) og sérhæfa sig í framleiðslu á hágæða handverksbjór (e. craft beer) af ýmsum toga.

Hátíðin færir út kvíarnar og bætir við þremur staðsetningum

Á hátíðinni í ár bætast við þrjár nýjar staðsetningar og eru það annars vegar Mikkeller & Friends Reykjavík og veitingastaðurinn við Hverfisgötu 12 og hinsvegar Fiskislóð 73.  Á Mikkeller & Friends Reykjavík og Hverfisgötu 12 hefst dagskráin Bjórvikunni mánudaginn 22. febrúar þar sem bjórar frá Warpigs í Danmörku, Upright í Oregon og Omnipollo í Svíþjóð yfirtaka húsið.  Sænska veitingahúsið Omnipollo‘s Hatt mun einnig taka yfir eldhúsið á Hverfisgötu 12 en það er veitingahús í sænsku handverksbruggarana frá Omnipollo.

Tekið er fram í tilkynningu að það koma ekki bruggarar frá Omnipollo og Upright.

Á Fiskislóð 73 verður svo boðið uppá svokallað ofur-session, pop up veitingahús og bari og rokktónleika.

Sjá einnig: Frábært framtak í bjórmenningu landsins | Úrslit frá keppni brugghúsana

Ekki þarf armband fyrir viðburðina á Mikkeller & Friends og Hverfisgötu 12.

Dagskrá hátíðarinnar er eftirfarandi:

Miðvikudagur, 24. febrúar: kl. 17:00-19:00
Bjórsmakk á KEX Hostel
Brugghús: Kaldi, Segull 67, Ölvisholt, The Commons Brewery (US) og Alefarm Brewing (DK)

Fimmtudagur, 25. febrúar: kl. 17:00-19:00
Bjórsmakk á KEX Hostel
Brugghús: Steðji, Einstök, Mikkeller og To Øl.

Föstudagur, 26. febrúar: kl. 17:00-19:00
Borg Brugghús, Ölgerð Egils Skallagrímssonar, Bryggjan Brugghús, pFriem Family Brewers (US) og Surly Brewing Company (US)

Laugardagur, 27. febrúar:
Kl. 14:00 Bjórvinnustofa og spjall við bruggara í Gym & Tonic á KEX Hostel.
Kl. 17:00-19:00 Ofursmakk á Fiskislóð 73 ( Vegvísun á Fiskislóð 73. )
Brugghús: Mikkeller, To Øl, Surly, The Commons Brewery, pFriem, Alefarm, Kaldi, Segull 67, Ölvisholt, Einstök, Víking Ölgerð, Steðji, Borg Brugghús, Ölgerðin og Bryggjan Brugghús.
Kl. 19:00-23:00 Sæmundur í sparifötunum Pop Up veitingahús, Mikkeller & Friends Pop Up Bar og Hverfisgata 12 kokteil bar.
TÓNLEIKAR – Hljómsveitin FM Belfast spilar fyrir gesti hátíðarinnar frá kl. 21:00.  Einnig verður hægt að kaupa miða sérstaklega á FM Belfast en sá miði gildir ekki á bjórhátíðina.

Íslensku brugghúsin sem taka þátt í hátíðinni:

Víking Ölgerð / Vífilfell
Einstök
Ölgerðin Egill Skallagrímsson
Borg Brugghús
Ölvisholt
Kaldi
Steðji
Bryggjan Brugghús
Segull 67 Brugghús

Alþjóðlegu brugghúsin sem taka þátt í hátíðinni:

Mikkeller
To Øl
Alefarm
The Commons Brewery
Surly Brewing
pFriem Family Brewers
Warpigs – ATH! Bara á Mikkeller & Friends
Upright Brewing – ATH! Bara á Mikkeller & Friends
Omnipollo‘s Hatt – ATH! Bara á Mikkeller & Friends og Hverfisgötu 12
Omnipollo – ATH! Bara á Mikkeller &  Friends Reykjavík og Hverfisgötu 12

Snapchat veitingageirans á staðnum

Bryggjan Brugghús verður með Snapchat veitingageirans yfir helgina og gerir góð skil á Íslensku bjórhátíðinni og fá Snapchat vinir að fylgjast vel með á bakvið tjöldin.  Bryggjan er sjálfstætt brugghús, veitingastaður og bar við höfnina í Reykjavík þar sem lagt er áherslu á fersk hráefni og gæða bjór af ýmsum tegundum sem dælt er beint úr brugghúsinu.  Bryggjan Brugghús er staðsett á Grandagarði 8, 101 Reykjavík.

Um Snapchat veitingageirans

Á Snapchat Veitingageirans er hægt að fylgjast með á bakvið tjöldin hjá veitingabransanum.

Hinir ýmsu einstaklingar úr bransanum skiptast á að sjá um Snappið og með því getum við skilað til ykkar fjölbreyttu og skemmtilegu efni.

Snapchat-aðgangur Veitingabransans er: veitingageirinn

Smellið hér til að skoða fréttayfirlit af Snapchat-gestum veitingageirans.

Hægt er að sækja um að vera gestur á Snapchat með því að senda á netfangið [email protected] eða í gegnum þetta einfalda form.

Myndbönd frá Íslensku bjórhátíðinni 2015

Myndband frá Íslensku bjórhátíðinni 2013

Myndir: www.kexland.is