Icelandic Lamb Award Of Excellence – Viðurkenning til samstarfsaðila

Við veitingu viðurkenninga 2017, Guðrún Veronika frá Íslenska Barnum ásamt Hafliða Halldórssyni og Dominique Plédel Jónsson.

Í mars mun dómnefnd Icelandic Lamb leggja mat á samstarfsaðila sína í veitingarekstri og veita AOE viðurkenningu til þeirra sem þykja skara fram úr. Viðurkenningin verður nú veitt í annað sinn. Afhending viðurkenninga fer fram 6. apríl næstkomandi samhliða hádegisverði og hvetjum við alla samstarfsaðila okkar að mæta á fögnuðinn.

Samstarfsaðilar geta aukið líkur sínar á að hljóta viðurkenningu fyrir 2018 með því að veita eftirfarandi atriðum athygli.

• Hafa lambakjöt áberandi á kjöthluta matseðils og að sjálfsögðu einnig að gera vel í matseldinni.
• Nota merki Icelandic Lamb á sem fjölbreyttastan hátt: Skilti upphengt á góðum og sýnilegum stað og hafa merkið á prentuðum matseðli.
• Hafa merki Icelandic Lamb á heimasíðu sinni með hlekk á www.icelandiclamb.is
• Nýta efni Icelandic Lamb á eigin samfélagsmiðlum, um 50 myndbönd eru í safni. Bæði með íslenskum og enskum texta og eru þau aðgengileg á facebook síðu Icelandic Lamb
• Nánari upplýsingar veitir Hafliði Halldórsson verkefnastjóri í síma 772 8228