Hertar aðgerðir væntanlegar

Mun jólavertíðin fara í brottnámsbakka í ár?

Aldrei áður hafa jafn margir verið í einangrun með kórónuveiruna hér á landi og nú eða fimmtán hundruð manns. Sóttvarnalæknir segir hópsýkingar hafa verið margar í þessari bylgju faraldursins.

Um eitt hundrað manns hafa greinst með veiruna út frá villibráðarhlaðborði sem haldið var í Garðabæ um síðustu helgi, að því er fram kemur á visir.is.

Tvö hundruð manns greindust með kórónuveiruna í gær innanlands en aldrei hafa jafn margir greinst með veiruna á einum degi. Þórólfur Guðnason sóttvarnalæknir segir stöðuna erfiða.

Margar hópsýkingar hafa komið upp í þessari bylgju faraldursins. Ein hópsýking sem ekki enn sér fyrir endann á kom upp í síðustu viku út frá villibráðahlaðborði sem Íþróttafélagið Stjarnan hélt í Garðabæ.

„Tæplega eitt hundrað manns sem hafa smitast bæði beint og óbeint út frá þeim viðburði.“

Segir Þórólfur í samtali við visir.is.

Áætlað er að Þórólfur Guðnason sóttvarnalæknir muni leggja fram tillögur í dag um hertar sóttvarnaaðgerðir í ljósi stöðunnar í landinu.

Mynd: úr safni