Hermann Þór, Hinrik Carl, Sigurður Daði, Ragnar Wess og Ægir gefa út kennslubók – „Þetta verkefni er búið að taka 3 ár hjá okkur….“

Út er komin kennslubók fyrir fyrsta þrep matvælabrauta. Höfundar bókarinnar eru matreiðslumeistarnir Hermann Þór Marinósson, Hinrik Carl Ellertsson, Sigurður Daði Friðriksson, Ragnar Wessman og Ægir Friðriksson.

Í bókinni er farið yfir helstu grunnatriði sem nauðsynleg eru fyrir áframhaldandi nám og starf í matreiðslu.

Í máli og myndum fá nemendur innsýn í fjölbreytileika matreiðslunnar og áhersla er lögð á að auka þekkingu og færni við meðferð matvæla, matreiðslu hvers konar og nýjungar henni tengdri.

Þróunarsjóður námsgagna styrkti útgáfuna.

Hægt er að kaupa bókina á vefnum idnu.is hér.

Vefbók

Hægt er að kaupa áskrift að vefbókinni á www.vefbok.is

Vefbókin skiptist í eftirfarandi kafla:

• Nemandinn og fagvitund
• Innkaup og móttökueftirlit
• Matvælaöryggi
• Hnífar og meðferð þeirra
• Áhöld
• Eldunartæki
• Þrifalýsingar
• Soð-, sósu-, og súpugerð
• Meðhöndlun á fiski
• Meðhöndlun á kjöti
• Úti- og ylrækt, algengar íslenskar
• Grænmetistegundir
• Grunnur að matreiðsluaðferðum
• Grunnur að eftirréttargerð
• Algengar korntegundir
• Fagtengd orð og hugtök
• Orðskýringar

„Þetta verkefni er búið að taka 3 ár hjá okkur og hefur mikill tími farið í að taka myndir og myndbönd, en það er enginn annar enn Karl Peterson sem sér um myndatöku.“

Segir Hinrik Carl í samtali við veitingageirinn.is

Þetta er fyrsta bókin af þremur sem þeir félagar vinna að og næstu bækur verða gefnar út á komandi árum.

„Mikil tilhlökkun er hjá okkur að geta loksins boðið upp á námsefni sem er aðgengilegt öllum og allir kennarar get notað sama námsefnið um allt land, í öllu grunndeildum landsins.“

Segir Hinrik Carl að lokum.

Myndir: aðsendar