Hátíðar margensterta með sérrírjóma og súkkulaði til að njóta um hátíðarnar

Marengsbotnar:

4 eggjahvítur

150 gr sykur

100 gr púðursykur

1 tsk vanilluextract

1 tsk lyftiduft

4 dl kornflex

Fylling:

500 ml rjómi frá Gott í matinn

150 gr suðusúkkulaði

2-4 msk sérrí

3 msk flórsykur

Ofaná:

150 gr suðusúkkulaði

150 ml rjómi

1 msk sérrí

Jarðarber

Aðferð:

1. Hitið ofn í 120 gráður með blæstri og setjið smjörpappír í botninn á tveimur u.þ.b 23 cm kökuformum.
2. Þeytið eggjahvítur, sykur, púðursykur, vanillu og lyftiduft þar til blandan verður mjög stíf, ég þeyti á hæstu stillingu á hrærivél í 5-7 mínútur.
3. Hellið kornflexi út í og hrærið því varlega saman við með sleikju.
4. Skiptið blöndunni jafnt í formin tvö og sléttið úr. Bakið í 60 mínútur. Slökkvið þá á ofninum og opnið á hann smá rifu og leyfið marengsbotnunum að kólna í ofninum. Gott að gera kvöldinu áður og leyfa að vera í ofni yfir nótt.
5. Fyrir fyllinguna: Sxaið súkkulaðið smátt. Hellið rjóma í skál ásamt sérríi og flórsykri. Þeytið þar til rjóminn er nánast stífþeyttur. Smakkið rjóman og bætið við sérrí eftir smekk. Bætið súkkulaðinu loks saman við með sleikju.
6. Leggið annan marengsbotninn á disk, breiðið úr rjómanum yfir og leggið hinn botninn ofan á.
7. Bræðið saman á mjög vægum hita, súkkulaði, rjóma og sérrí. Leyfið að kólna aðeins og smyrjið loks ofan á tertuna. Toppið að lokum með nóg af jarðarberjum.
8. Gott er að setja rjómann á marengsbotnana 2-4 klst áður en hann er borinn fram og geyma í ísskáp.

Skoða nánar hér.