Gull til Íslands – Norræna nemakeppnin 2023

Frá vinstri: vinningsliðið frá Finnlandi í framreiðslu, því næst er Gabríel Kristinn Bjarnason þjálfari, Hinrik Örn Halldórsson og Marteinn Rastrick sem fengu gull í matreiðslu.

Norræna nemakeppnin fór fram síðastliðna tvo daga og var hún haldin í Osló í Hótel og matvælaskólanum þar í landi.

Í matreiðslu kepptu Hinrik Örn Halldórsson og Marteinn Rastrick og í framreiðslu voru það Benedikt Eysteinn Birnuson og Finnur Gauti Vilhelmsson sem kepptu fyrir Íslands hönd.

Þjálfarar voru Gabríel Kristinn Bjarnason í matreiðslu og Axel Árni Herbertsson í framreiðslu.

Úrslit:

Matreiðsla:
Gull – Ísland
Silfur – Svíþjóð
Brons – Danmörk

Framreiðsla:
Gull – Finnland
Silfur – Danmörk
Brons – Noregur

Keppnisfyrirkomulag:

Matreiðsla

Fyrri daginn buðu Hinrik og Marteinn upp á girnilegan matseðil sem samanstóð af grænmetisrétt úr sellerírót, tveimur smáréttum (Canapé) og kjúkling og matreiddu þjóðarrétt Norðmanna „får i kål.

Seinni daginn var „mystery basket“ eða óvissukarfa, en þá fá keppendur að vita um skylduhráefnið rétt fyrir keppni, þ.e. hráefnið sem þeir eiga að matreiða.

Framreiðsla

Keppnin í framreiðslu skiptist í: a) skriflegt próf, b) blöndun drykkja, c) kvöldverðaruppdekkning fyrir tvo gesti, d) para vínseðil við matseðil, e) eldsteiking og g) fjögur mismunandi sérvettubrot.

Mynd: nhoreiseliv.no