Gordon Ramsay á Íslandi – Sigurður Laufdal: „…. sagði þetta besta mat sem hann hefur smakkað á Íslandi“

Gordon Ramsay og Sigurður Laufdal

Michelin kokkurinn og íslandsvinurinn Gordon Ramsay er staddur hér á Íslandi.  Gordon er mikill áhugamaður á laxveiði og hefur komið hér reglulega til Íslands að renna fyrir laxi í Eystri Rangá, Tungulæk við Kirkjubæjarklaustur, Norðurá í Borgarfirði svo fátt eitt sé nefnt.

Gordon mætti á nýja veitingastaðinn OTO á Hverfisgötu, ásamt föruneyti.  Sigurður Laufdal yfirkokkur og eigandi staðarins vissi ekki hvaðan á sig stóð veðrið þegar hann sá nafn kokksins á lista yfir bókanir.

„Svo var hann bara kominn inn í eldhús til okkar og lét eiginlega bara eins og heima hjá sér.

Hann var allavega ánægður með matinn og sagði þetta besta mat sem hann hefur smakkað á Íslandi. Auðvitað setur maður á það smá fyrirvara, hann var kannski bara að vera kurteis, en þetta sagði hann!“

segir Sigurður hlæjandi í samtali við visir.is sem fjallar nánar um málið hér.

„Hann fékk sér nauta flanksteik, bikini réttinn okkar vinsæla, lamb, tagliatelle, hörpuskel og svo sítrónu í eftirrétt,“

segir Sigurður Laufdal í samtali við DV hér.

Mynd: Sigurður Laufdal