Geggjuð veisla hjá Rúnari Marvins – Gunnar Páll: „…. þetta verður örugglega endurtekið“ – Myndir

Rúnar Marvinsson var gestakokkur á Hótel Holti, fimmtudaginn sl. og honum til aðstoðar voru synir hans Gunnar Páll og Sumarliði Örn matreiðslumenn.

Rúnar bauð upp á 5 rétta fiskiveislu, kryddlegnar gellur, skarkola með gráðosti og banana, saltfisk og nokkra óvænta rétti eftir Rúnar.

Vín sem pöruð voru með matnum voru Búrgúndar vín frá Loire dalnum.

„Skemmtilegt kvöld í musteri matargerðarinnar Hótel Holti. Rúnar í stuði, ilmurinn í salnum minnti á Hótel Búðir og Við Tjörnina. Færri komust að en vildu og þetta verður örugglega endurtekið“

Sagði Gunnar Páll í samtali við veitingageirinn.is.

Stutt ágrip

Rúnar fæddist í Sandgerði og ólst þar upp. Hann fór fjórtán ára til sjós, var á bátum frá Sandgerði og síðan á farskipum og togurum. Þá var hann um skeið verslunarstjóri í Skífunni frá 1967.

Árið 1980 endurreisti hann Hótel Búðir á Snæfellsnesi ásamt Jakobi Fenger, Gunnhildi Emilsdóttur og Patriciu Burke. Þau starfræktu síðan hótelið í sameiningu næstu tvö árin en Rúnar starfrækti hótelið ásamt öðrum til 1986.

Þá stofnaði Rúnar vinsæla veitingastaðinn Við Tjörnina.

Rúnar Marvinsson

Í dag er Rúnar búsettur á Hellisandi og dundar sér við að skrifa og búa til verðmæti úr hráefni sem finnast á Snæfellsnesi.

Meðfylgjandi myndir tók Kristín Þorgeirsdóttir eða Krissý eins og hún er oft kölluð og rekur Krissý ljósmyndastúdíó.

Rúnar slær á létta strengi