Froðuglíma á Kaffislipp – Snapchat veitingageirans verður á staðnum

Haldin verður Froðuglíma á Kaffislipp miðvikudaginn 20. september næstkomandi klukkan 20:00. Þetta er í þriðja sinn sem að þessi keppni er haldin frá því að Kaffislippur opnaði.

Froðuglímu-keppnin sem haldin var í febrúar s.l. gekk vonum framar, en alls mættu um 50 keppendur sem er metþátttaka til þessa, þannig það er ekki seinna vænna en að skrá sig sem fyrst.

Skráning á staðnum

Skráning fer fram á Kaffislipp sem lýkur þegar fyllt hefur verið í 48 sæti.

Vegleg verðlaun verða í boði fyrir fyrstu þrjú sætin. Léttar veitingar í boði.

Keppnisfyrirkomulag

• Tveir keppendur í einu, freyða og hella Latte art.
• Rosetta, hjarta, hjörtu, túlípani, svanur… alveg frjálst.
• Þrír dómarar velja betri kaffibarþjóninn sem kemst í næstu umferð og svo koll af kolli þar til einn kaffibarþjónn stendur eftir sem Froðuglímumeistari.

Snapchat veitingageirans

Snapchat veitingageirans verður á staðnum 20. sept og einnig 19. sept. þar sem sýnt verður frá undirbúningnum. Hvetjum alla að bæta veitingageirinn á snapchat.

Æfing fyrir froðuglímuna í fullum gangi:

Mynd: úr safni