Feðgarnir Bjarni og Gabríel keppa í Global Chefs Challange í Malasíu

Feðgarnir Gabríel Kristinn Bjarnason og Bjarni Gunnar Kristinsson á æfingu

Ráðstefna Alheimssamtaka Matreiðslumanna verður haldin í borginni Kuala Lumpur í Malasíu, 11. til 14. júlí næstkomandi.

Ráðstefnan samanstendur af rúmlega 100 aðildarríkjum, leiðandi fyrirtækjum og fagmönnum í veitingabransanum, áhugafólki um matarlist, keppni og margt fleira.

Keppnin Global Chefs Challange verður haldin samhliða ráðstefnunni en keppnin var fyrst haldin fyrir 10 árum síðan.

Sjá einnig: Alheimssamtökin halda í fyrsta sinn matreiðslukeppni

Í ár keppir Bjarni Gunnar Kristinsson matreiðslumeistari fyrir Íslands hönd og til aðstoðar verður sonur hans Gabríel Kristinn Bjarnason matreiðslunemi. Bjarni starfar sem yfirmatreiðslumaður í Hörpunni og Gabríel lærir fræðin sín á Hótel Sögu.

Keppendur elda fjögurra rétta matseðil fyrir 12 manns og hafa 5 klukkustundir til að elda herlegheitin.

Matseðillinn sem að feðgarnir bjóða upp á er:

• Bakað og útstungið grasker, með papriku frauði, kavíar á stökku kexi, brúnuð smjörsósa með anis olíu og karsa.
• „STERLING“ lúða með kóngakrabba og grilluðum humar, jarðskokkar á þrjá vegu á smjördeigs og þara lögum, skelfisk rjómasósa og fjörujurtum.
• Steiktur kálfa hryggvöðvi, kálfaskanki og-tunga, framreitt með fölsku seljurótar“ beini” með merg Hollaandaise sósu.
• Dökk súkkulaði mús með “ DILMAH EARL GRAY” te, blóðappelsínu og hindberja samleik með heitum kleinuhring og „Zallotti“ blómum.

Eftirfarandi lönd taka þátt í Global Chefs Challange:

12. júlí:

England
Japan
Noregur
Danmörk
Bandaríkin
Tæland
Kolombía
Malasía
Þýskaland
Ísland

13. júlí:

Ítalía
Sameinuðu arabísku furstadæmin
Svíþjóð
Finnland
Kanada
Holland
Singapore
Ungverjaland
Skotland
Ástralía

Fleira tengt efni:

Þessi ráðstefna og matarsýning er klárlega fyrir alla í veitingabransanum

Mynd: úr einkasafni / Bjarni Gunnar Kristinsson