Eftirréttakeppni Arctic Challenge 2023 og fyrirlestur um keppnismatreiðslu

Föstudaginn 27. október í Verkmenntaskólanum á Akureyri (VMA) mun Snædís Xyza halda fyrirlestur um keppnismatreiðslu í matvæladeild VMA.

Farið verður yfir hvað dómarar horfa mest í varðandi stigasöfnun, hvað ber að varast ásamt öðrum skemmtilegum fróðleik þegar kemur að keppnismatreiðslu.

Snædís starfar sem yfirmatreiðslumaður á Ion hótelinu á Þingvöllum ásamt því að vera fyrirliði íslenska Kokkalandsliðsins en hún hefur verið meðlimur landsliðsins til fjölda ára.  Snædís hefur unnið til fjölda verðlauna bæði með Kokkalandsliðinu og í einstaklingskeppnum.

Laugardaginn 28. október verður haldin árlega eftirréttakeppni Arctic Challenge í Matvæladeild VMA.  Keppandi má koma með allt tilbúið og hefur 30 mínútur til að skila af sér 4 eftirréttum.

Rétturinn verður að innihalda eftirfarandi:

• Hvítt súkkulaði
• Hindber
• Skyr

Þema er Íslenska sveitin.

Allt annað er alfarið í höndum keppanda.

Skráning fer fram með emaili á arni@arcticchallenge.is, öllum er leyft að taka þátt og þar þarf að koma fram eftirfarandi upplýsingar:

Nafn:

Vinnustaður:

Keppnisgjald er 3000 krónur.