Breytti heimasíðu vegna vanefnda

Skjáskot af heimasíðu Kaffi Stefnumót

Hönnuður heimasíðu kaffihússins Stefnumót í Reykjanesbæ hefur breytt heimasíðu fyrirtækisins og er þar nú einung­is að finna texta sem segir að síðan muni ekki lengur þjóna þeim tilgangi að kynna kaffihúsið vegna vanefnda.

Á sínum tíma var þessi síða opnuð í þeim tilgangi að kynna kaffihúsið Stefnumót í Reykjanesbæ og koma á framfæri þeim viðburðum sem þar áttu að fara fram,“ segir á heimasíðunni. „Vegna vanefnda eigenda og rekstraraðila kaffihússins mun kaffistefnumot.is ekki þjóna þeim tilgangi lengur.

Gengið á eftir greiðslu í eitt ár

Jóhann Páll Kristbjörnsson, hönnuður síðunnar, segist hafa breytt síðunni á sunnudag eftir að hafa gengið á eftir eigandanum í eitt ár, að því er fram kemur á mbl.is sem fjallar nánar um málið hér.