Árlegir Bransadagar Iðunnar Fræðsluseturs – Lokapartý, allir velkomnir

Bransadagar Iðunnar fara fram í dag og á morgun 15 og 16 maí. Á Bransadögum verður boðið upp á fjölbreytta fræðslu tengda nýsköpun i eftirfarandi iðngreinum prent- og miðlunargreinar, matvæla- og veitingagreinar, byggingar- og mannvirkjagreinar, málm- og véltæknigreinar og bílgreinar. Í boði verða margskonar fyrirlestrar frá innlendum og erlendum sérfræðingum.

Dagskráin endar svo á brjáluðu bransapartíi í húsnæði Iðunnar að Vatnagörðum 20, á morgun fimmtudag 16. maí milli kl 17:00 og 20:00.

Framlag matvæla- og veitingagreinanna í ár verðu PopUp viðburður þar sem bæði verður hægt að sjá og smakka á framtíðinni.

Landsliðskokkarnir Ólöf Ólafsdóttir og Hugi Rafn ætla að sýna okkur tæknina við að 3D prenta form og mót fyrir matvæla iðnað og gefa smakk af eftirréttum sem gerðir eru í þessum mótum.

Náttúrukokkurinn Hinrik Carl ætlar í samvinnu við nýsköpunarfyrirtækið Lokifood að gefa okkur smakk af „fisk“ gerðum eingöngu úr plöntupróteinum.

Og í vínstofunni verður Gísli Grímsson einn eiganda Rætur & Vín með smakka af þeim náttúru veigum sem þeir eru að flytja inn

Í stóra salnum verður einnig fullt um að vera eins og t.d.

• Bergur Ebbi með uppistand
• Júlladiskó sér um að þeyta skífum
• Veitingar frá Littla Brugghúsið og Flóra veitingar

Aðgangur að sjálfsögðu ókeypis en það þarf að skrá sig hér.