Bliss vekur athygli í Berlín

Nýverið var íslenski drykkurinn Bliss kynntur á sýningunni Bar Convent Berlin. Bliss er kolvetnalaus, léttáfengur (4,5%) drykkur og hentar vel þeim sem kjósa frískandi og hollari kost í drykkjarvörum.

Drykkir af þessu tagi, sem gjarnan eru kallaðir áfengt sódavatn eða hard seltzer, hafa verið að ryðja sér rúms síðustu ár á drykkjavörumarkaði og eru orðnir vinsælir víða um heim. Undirstaða drykkjarins er kolsýrt vatn en áfengið er eplavín og bragðefnin úr hreinum ávöxtum.

Útkoman er bragðgóður og mildur drykkur án sykurs eða sætuefna. Þrjár bragðtegundir eru komnar á markað: Mandarin ginger, pink grape raspberry og basil lemon lime.

Drykknum var vel tekið á sýningunni, sem er sú stærsta sinnar tegundar í heimi. Á Bar Convent Berlin kynna áfengisframleiðendur vörur sínar og koma þátttakendur frá hátt í 90 löndum hvaðanæva úr heiminum og sækja yfir 16 þúsund gestir sýninguna á ári hverju. Bliss, sem rann ljúflega ofan í sýningagesti, fékk frábærar viðtökur og vakti athygli fyrir gott bragð og létta áferð.

Bliss er fáanlegt í Vínbúðunum og dreifingaraðili Bliss á Íslandi er Innnes ehf.