Bjórböðin opna

Það eru þau Agnes Sigurðardóttir og Ólafur Þröstur Ólafsson, eigendur bruggverksmiðjunnar Kalda á Árskógssandi í Eyjafirði sem eru eigendur Bjórbaðanna.

Bjórböðin á Árskógssandi voru formlega opnuð nú á dögununum.  Undirbúningur hefur staðið frá því í ágúst árið 2015 en framkvæmdir hafa gengið vel í vetur.

Bjórböðin eru 7 talsins og er tekið á móti allt að 14 manns á klukkutíma.  Það er ekkert aldurstakmark í bjórbað þar sem bjórvatnið er ódrykkjarhæft en bjórdæla er við hvert bað fyrir þá sem eru 20 ára og eldri.  16 ára og yngri þurfa að koma í fylgd með fullorðnum.

Fjölmargir gestir mættu á opnunardaginn

Bjóráhugamenn munu eflaust flykkjast norður í land til að prófa bjórböðin.

Fallegt útisvæði við Bjórböðin með útsýni yfir í Hrísey, Kaldbak og Múlann. Mikið er um kyrrð og ró á þessu svæði.

Fyrir einstaklingsbað kostar 4.900 krónur. Hjónabað 9.000 krónur og útipottur 2.000 krónur

Í bjórbaði liggur þú í stóru keri, sem fyllt er af bjór, vatni, humlum og geri. Eftir 25 mínútur er farið úr baðinu og í slökunarherbergi í aðrar 25 mínútur.

Verið að leggja lokahönd á eldhúsið fyrir opnun. Á matseðlinu eru hamborgararar, samlokur, súpur og salöt svo fátt eitt sé nefnt.

Á veitingastaðnum er tekið við allt að 80 manns í sæti og í boði eru ýmisskonar léttir réttir og bjórtengdum mat.

Myndir:  facebook / Bjórböðin