BCI aðalfundur og keppnin Hraðasti Barþjónninn

Aðalfundurinn verður haldinn í kjallaranum á Sæta Svíninu þriðjudaginn 21. nóvember kl. 18:00.

Barþjónaklúbbur Íslands heldur Aðalfund sinn 2023 í kjallaranum á Sæta Svíninu þriðjudaginn 21. nóvember kl. 18:00.

Stjórn BCI hvetur alla meðlimi til þess að mæta og nýta atkvæðisrétt sinn. Einnig geta meðlimir komið með tillögu af lagabreytingum. Lög klúbbsins má finna hér!

Léttar veitingar verða í boði á meðan fundi stendur.

Dagskrá Aðalfundar er eftirfarandi:

1. Kosning fundarstjóra og fundarritara
2. Skýrsla stjórnar
3. Reikningar klúbbsins
4. Lagabreytingar
5. Ákvörðun árgjalds
6. Stjórnarkosning
7. Kosning endurskoðenda
8. Alþjóðlegt samstarf
9. Framtíðarhorfur og skipulag
10. Önnur mál

Einnig mun fara fram kynning á störfum Barþjónaklúbbs Íslands!

Keppnin Hraðasti Barþjónninn

Eftir Aðalfund verður svo haldin hin árlega keppni um hraðasta barþjóninn í samstarfi við Mekka Wines & Spirits! Keppendur þurfa að gera 3 tegundir af drykkjum á sem skemmstum tíma. Öll tæki, tól og hráefni verða á staðnum og þurfa því keppendur ekki að koma með neitt með sér.

Dómarar verða Richard Cookson, hraðasti barþjónninn árið 2022 og Elna María Tómasdóttir, varaforseti BCI.

Skráning í keppnina fer fram með því að senda tölvupóst með nafni og vinnustað á [email protected]

ATH! Takmarkað pláss er fyrir keppendur, þannig að við hvetjum áhugasama að skrá sig sem fyrst! Fyrstur kemur, fyrstur fær.

Karaoke vélin

Eftir keppni verður svo kveikt á Karaoke vélinni og verður sungið og dansað fram á nótt.

Allir barþjónar geta mætt og skráð sig í klúbbinn, ásamt því að taka þátt í kvöldinu.

Dagskrá kvöldsins:

• 18:00 – Húsið opnar, léttar veitingar og ,,mingle”
• 19:00 – Aðalfundur hefst
• 20:30 – Keppnin um hraðasta barþjóninn
• 22:30 – Karaoke partý

Stjórn BCI hlakkar til að sjá sem flesta á Sæta Svíninu, þriðjudaginn 21. nóvember kl. 18:00 !

Facebook viðburður hér.