Barbie æðið tekið alla leið í matargerð – Bleikt pasta með burrata eftir Helgu Möggu

Rauðrófur eru eitt það allra jólalegasta í mínum huga. Fyrir utan það að gefa dásamlegan lit þá eru þær góðar fyrir alla og sérstaklega þá sem eru að æfa mikið, algjör ofurfæða. Talið er að rauðrófur geti hjálpað til við að lækka blóðþrýsting og minnkað bólgur í líkamanum.

Rauðrófur eru stútfullar af trefjum, vítamínum og steinefnum. Svo er einfaldlega gaman að borða allt sem er bleikt og fallegt. Þessi réttur er bæði fljótlegur og einfaldur, akkúrat það sem við þurfum í desember.

4 skammtar

Innihald:

220 g forsoðnar rauðrófur 1 – 2 eftir stærð

150 g kotasæla

220 g kjúklingabaunir (ein dós)

safi úr einni sítrónu 2 – 3 msk

1 – 2 hvítlauksrif

1 tsk kúmín

pipar og smá salt

1 bolli pastavatn

500 g pasta

2 burrata ostar

fersk basilíka sem skraut

Kjúklingabaununum er hellt í sigti og safinn tekinn frá, ég reyni að taka mesta af hýðinu af baununum. Öllum innihaldsefnunum er svo blandað saman í blandara eða matvinnsluvél. Pasta soðið og 1 bolli pastavatn settur úr í blandarann og blandað saman. Ég geymi oft smá auka pastavatn ef mér finnst vanta meira. Það er fínt að smakka sósuna til og salta í lokin ef þér finnst þurfa salt.

Þegar rétturinn er settur á hvern disk er gott að bera hann fram með ólífu olíu og smá salti og pipar svo hver og einn geti fengið sér á sinn disk.

Næring í 100 g

Kolvetni: 18,8 g

Prótein: 7,4 g

Fita: 4,3 g

Trefjar: 1,3 g

Þú finnur þessa skráningu í Myfitnesspal appinu með því að leita að: Helga Magga eða bleikt pasta með burrata.

Smelltu hér til þess að sjá TikTok myndband af því hvernig ég bjó réttinn til.

Skoða uppskrift nánar hér.